«Արմենպրես» լրատվական գործակալության «Երևանյան բեսթսելեր» հեղինակային նախագծի վարկանիշային աղյուսակը գլխավորում է Նարինե Աբգարյանի «Մանյունյա» գիրքը։
Ամենավաճառվածների ցանկ է վերադարձել և երկրորդ հորիզոնականը զբաղեցրել Նոբելյան մրցանակակիր Օրհան Փամուքի «Կարմրահեր կինը» վեպը:
Մի քանի հորիզոնականով իր դիրքերը բարելավել և երրորդ տեղն է գրավել անգլիացի գրող Օսկար Ուայլդի «Դորիան Գրեյի դիմանկարը» ստեղծագործությունը:
Բրազիլացի գրող Պաուլու Կոելյոյի լավագույն ստեղծագործություններից մեկը` «Ալքիմիկոսը», չորրորդն է:
Հինգերորդ տեղում նոր գիրք է` Պաուլու Կոելյոյի «Դևը և օրիորդ Պրիմը»։
Լիբանանում ծնված Խալիլ Ջիբրանի «Մարգարեն» ստեղծագործությունը զբաղեցրել է վեցերորդ տեղը:
Մարկ Արենի «Այնտեղ, որտեղ ծաղկում են վայրի վարդեր» գիրքն այս անգամ յոթերորդն է:
Ութերորդ տեղում Գրիգոր Նարեկացու «Մատյան ողբերգության: Տաղեր» գիրքն է:
Իններորդ տեղում Դանիել Գլաթաուերի «Հավերժ քոնը» վեպն է:
Ամենավաճառվածների ցանկը եզրափակում է Վլադիմիր Նաբոկովի «Լոլիտա» ստեղծագործությունը:
Source: Yerkir Media
Link: Ամենավաճառված գրքերի տասնյակն այս շաբաթ