«Այնտեղ, որտեղ ծաղկում են վայրի վարդեր» գիրքն ամենավաճառվածն է

«Արմենպրես» լրատվական գործակալության «Երևանյան բեսթսելեր» հեղինակային նախագծի վարկանիշային աղյուսակն այս շաբաթ կրկին գլխավորում է Մարկ Արենի «Այնտեղ, որտեղ ծաղկում են վայրի վարդեր» ստեղծագործությունը:

Էդգար Հարությունյանի «Չգտնված երիցուկներ» ժողովածուն երկրորդն է:

Ջոն Բոյնի «Զոլավոր գիշերազգեստով տղան» վերադարձել է ցանկ և երրորդ տեղում է:

Բրազիլացի գրող Պաուլու Կոելյուի «Ալքիմիկոսը» վեպը բարելավել է իր դիրքերը և չորրորդն է:

Հինգերորդ տեղում Դերենիկ Դեմիրճյանի «Քաջ Նազարը» գիրքն է:

Վեցերորդ հորիզոնականում է Օսկար Ուայլդի «Դորիան Գրեյի դիմանկարը» ստեղծագործությունը:

Կամիլ Լմոնյեի «Տղամարդու սերը» վեպը երկարատև բացակայությունից հետո վերադարձել է աղյուսակ և զբաղեցրել յոթերորդ տեղը:

Գերմանացի բանաստեղծ Գոթֆրիդ Բենի «Նա, ով մենակ է» ստեղծագործությունը ութերորդն է:

Իր դիրքերը զիջել և իններորդ տեղում է հայտնվել ամերիկացի գրող Ֆրենսիս Սքոթ Ֆիցջերալդի «Մեծն Գեթսբին»։

Ամենավաճառվածների ցանկը եզրափակում է Դանիել Քիզի «Ծաղիկներ Էլջերնոնի համար» գիտաֆանտաստիկ երկը:

Source: Yerkir Media
Link: «Այնտեղ, որտեղ ծաղկում են վայրի վարդեր» գիրքն ամենավաճառվածն է