Արցախի խորհրդարանում հանրային հնչեղություն ստացած հարցերը քննող հանձնաժողով է ստեղծվել
June 3, 2018
Ազգային ժողովի Կանոնակարգ ԱՀ օրենքի 20-րդ հոդվածի համաձայն՝ պատգամավորների պահանջով Արցախի Հանրապետության Ազգային ժողովի նախագահ Աշոտ Ղուլյանը հունիսի 2-ին հայտարարել է խորհրդարանական քննիչ հանձնաժողովի ստեղծման մասին, որը կուսումնասիրի հանրային հնչեղություն ստացած հարցերը:
Այս մասին հայտնում են Արցախի Հանրապետության Ազգային ժողովի լրատվության և հանրության հետ կապերի բաժնից:
Հիշեցնենք, որ հունիսի 1-ին Արցախի մայրաքաղաքում ԱԱԾ հատուկջոկատայինների և քաղաքացիների միջև ծեծկռտուք էր տեղի ունեցել, ինչից հետո ի նշան բողոքի քաղաքացիները փակել էին Ազատամարտիկների փողոցը և իրավապահներից պահանջել ձերբակալել հատուկ ջոկատայիններին:
