Գլենդելի Հայ Դատի հանձնախումբը ողջունել է քաղաքի փողոցներից մեկն «Արցախ» անվանելու՝ քաղաքային խորհրդի որոշումը:
Հանձնախմբի համայնքային հարցերով պատասխանատու Մարգարիտա Բաղդասարյանը նշել է, որ անվանափոխելու համար ընտրվել է Մերիլենդ փողոցը, քանի որ այն գտնվում է բանուկ և մշակութային ու ժամանցային օբյեկտներով հարուստ շրջանում:
Հայ Դատի հանձնախումբը նաև շեշտել է, որ քաղաքային խորհրդի որոշումը անվանափոխությանն ուղղված առաջին քայլն է, որի իրականացման ընթացքը տևելու է մի քանի ամիս:
Source: Yerkir Media
Link: Գլենդելի Հայ Դատի հանձնախումբը ողջունել է փողոցներից մեկն «Արցախ» անվանելու որոշումը