«Արմենպրես» լրատվական գործակալության «Երևանյան բեսթսելեր» հեղինակային նախագծի վարկանիշային աղյուսակը գլխավորում է Մհեր Իսրայելյանի «Մի շան բախտ հին հայկական ճանապարհին» ստեղծագործությունը:
Ինչպես նախորդ, այնպես էլ այս շաբաթ երկրորդ տեղում է Մարկ Արենի «Այնտեղ, որտեղ ծաղկում են վայրի վարդեր» ստեղծագործությունը:
Երրորդ հորիզոնականում է Մհեր Իսրայելյանի «Մինչև մեռնելն ապրել է պետք» վիպակը:
Իր դիրքերը մեկ հորիզոնականով բարելավել և չորրորդ տեղում է հայտնվել Էդգար Հարությունյանի «Չգտնված երիցուկներ» ժողովածուն:
Հայ ժամանակակից գրող Դավիթ Սամվելյանի «Ռոդենի ձմեռը» գիրք զգալիորեն զիջել է իր դիրքերը: Այն այս շաբաթ հինգերորդն է:
Վեցերորդ հորիզոնականում է ֆրանսիացի գրող Գի դը Մոպասանի «Ընտիր նովելներ» գիրքը:
Դիրքերը զիջել և յոթերորդ տեղն է զբաղեցրել Ստեֆան Ցվայգի «Ընտիր նովելներ» գիրքը:
Ռեյ Բրեդբըրիի «Ֆարենհայթ 451»-ը վարկանիշային աղյուսակում ութերորդն է:
Օսկար Ուայլդի «Դորիան Գրեյի դիմանկարը» կրկին իններորդն է:
Ամենավաճառվածների ցանկը եզրափակում է Ջոն Բոյնի «Զոլավոր գիշերազգեստով տղան» ստեղծագործությունը:
Source: Yerkir Media
Link: «Երևանյան բեսթսելեր». ամենավաճառված 10 գրքերը
