Կանադայում ոստիկանները սպանել են ահաբեկչության նախապատրաստման մեջ կասկածվողին

Կանադայի Օնտարիոյի նահանգում իրականացված հատուկ գործողության ընթացքում  ոստիկանների կողմից սպանվել է ահաբեկչության նախապատրաստման մեջ կասկածվող մի երիտասարդ, տեղեկացնում են տեղական ԶԼՄ-ները:

Հնարավոր ահաբեկչական սպառնալիքի վերաբերյալ տեղեկատվություն ստանալուց հետո ոստիկանությունը շրջապատել է կասկածյալի տունը: Գործողությանը նաեւ մասնակցել են սակրավորներ, դիպուկահարներ եւ կինոլոգներ՝ շներով:

Կանադական հեռուստաալիքների տվյալներով՝ սպանվածը 23-ամյա Ահարոն Դրայվերը, համակրում էր «Իսլամական պետություն» ծայրահեղական խմբավորմանը:

Ինչպես նշում է BBC-ն, անցյալ տարի ոստիկանությունն արդեն ձերբակալել էր Դրայվերին ջիհադականներին բացահայտ աջակցություն ցուցաբերելու համար:

Source: Yerkir Media
Link: Կանադայում ոստիկանները սպանել են ահաբեկչության նախապատրաստման մեջ կասկածվողին