«Փյունիկ»-ը, «Շիրակ»-ն ու «Գանձասար-Կապան»-ը դուրս մնացին եվրոպական մրցաշարից
July 7, 2017
«Փյունիկ»-ը Եվրոպայի լիգայի որակավորման առաջին փուլի պատասխան խաղում Բրատիսլավայի «Սլովան»-ից խոշոր հաշվով պարտություն կրեց: Երևանյան ակումբը 5 անպատասխան գնդակ ընդունեց իր դարպասը:
Երկու խաղերի արդյունքում գրանցվեց 9:1 հաշիվ՝ հօգուտ «Սլովան»-ի:
Գյումրու «Շիրակ»-ը «Գորիցա»-ի հետ հանդիպման ժամանակ գրանցեց ոչ-ոքի՝ 2:2 և դուրս մնաց հետագա պայքարից:
Ֆուտբոլի Հայաստանի առաջնության փոխչեմպիոն «Գանձասար-Կապան»-ը եւս դուրս մնաց Եվրոպայի լիգայի առաջին իսկ փուլից: «Գանձասար-Կապան»-ը հյուրընկալել էր Չեռնոգորիան ներկայացնող «Մլադոստ»-ին:
Երկու խաղերի ընդհանուր 4:0 հաշվով Եվրոպայի լիգայի երկրորդ փուլ դուրս եկավ «Մլադոստ»-ը:
Ի դեպ, Եվրոպայի լիգայի որակավորման փուլի արդյունքներն անմիջապես ազդում են ակումբների եւ տվյալ երկրի ֆուտբոլային վարկանիշների վրա։
