Մարգարայում իրար են բախվել ավտոմեքենան եւ ավտոբուսը
March 31, 2017
Փրկարարական ծառայություն ահազանգ է ստացվել, որ Արմավիրի մարզի Մարգարա գյուղ տանող ավտոճանապարհի 4-րդ կմ-ին տեղի է ունեցել ճանապարհատրանսպորտային պատահար: Ինչպես տեղեկացրին ԱԻՆ լրատվական ծառայությունից, դեպքի վայր է մեկնել մեկ մարտական հաշվարկ:
Պարզվել է, որ Մարգարա գյուղ տանող ավտոճանապարհի 4-րդ կմ-ին բախվել են «Infiniti QX4» ավտոմեքենան և «Laz» մակնիշի ավտոբուսը:
Փրկարարները «Infiniti QX4» մակնիշի ավտոմեքենայից դուրս են բերել 31-ամյա վարորդին, ով հոսպիտալացվել է Վաղարշապատի ԲԿ, որտեղ բժիշկները տուժածի առողջական վիճակը գնահատել են բավարար:
