Միավորված ազգերի կազմակերպության գլխավոր քարտուղար Անտոնիո Գուտերեշը մայիսի 3-ին ուղերձ է հղել Մամուլի ազատության օրվա կապակցությամբ: Ուղերձում ասվում է.
«Ազատ մամուլն էական նշանակություն ունի խաղաղության, արդարության և մարդու իրավունքների համար։
Շատ կարևոր է կառուցել թափանցիկ և ժողովրդավարական հասարակություններ, և իշխող հասարակություններից պահանջել հաշվետվողականություն։ Ազատ մամուլը որոշիչ է կայուն զարգացման համար։
Լրագրողներն ու զանգվածային լրատվամիջոցների աշխատակիցները լուսաբանում են տեղական և համաշխարհային մարտահրավերները և պատմում են այն, ինչի մասին պետք է խոսվի։ Անգնահատելի է նրանց մատուցած ծառայությունը հասարակությանը։
Անհրաժեշտ է ընդունել եւ կիրառել օրենքներ, որոնք պաշտպանում են անկախ լրագրությունը, խոսքի ազատությունը և տեղեկատվության իրավունքը։ Լրագրողների դեմ հանցագործությունները պետք է դատական կարգով հետապնդվեն։
Մամուլի ազատության համաշխարհային օրվան ընդառաջ կոչ եմ անում կառավարություններին ամրապնդել մամուլի ազատությունը և պաշտպանել լրագրողներին։
Ազատ մամուլի խթանումն ապահովում է ճշմարտության մեր իրավունքը»։
Source: Yerkir Media
Link: «Կոչ եմ անում պաշտպանել լրագրողներին»․ Անտոնիո Գուտերեշ
