ԵՊՀ-ում ուսանողները ի աջակցություն ռեկտոր Արամ Սիմոնյանի դադարեցնում են բողոքի ակցիաները: Այս մասին ֆեյսբուքյան իր էջում գրառում է կատարել «ԵՊՀ Ռեստարտ» նախաձեռնության անդամ Դավիթ Պետրոսյանը:
«ԵՊՀ ռեկտոր Արամ Սիմոնյանին մաղթում ենք առողջություն և ի աջակցություն դադարեցնում ենք բողոքի ակցիաները: Գիտխորհրդի դահլիճը շարունակում է մնալ ազատագրված ուսանողական տարածք: Տարածքը բաց է քննություններ պարապելու համար: Պատրաստ և ուրախ կլինենք հանդիպել նաև մեր դասախոսներին»,- ասվում է գրառման մեջ:
Հիշեցնենք, որ քիչ առաջ ԵՊՀ մամուլի խոսնակ Գևորգ Էմին-Տերյանը ֆեյսբուքյան իր գրառմամբ հայտնել էր ռեկտոր Արամ Սիմոնյանի հոսպիտալացման մասին:
Source: Yerkir Media
Link: Ուսանողները դադարեցնում են բողոքի ակցիաները ԵՊՀ-ում
