22 տարեկան հասակում մահացել են տանզանիացի սիամական երկվորյակները
June 4, 2018
Տանզանիացի սիամական երկվորյակներ Մարիա եւ Կոնսոլատա Մվաքիքութիները 22 տարեկան հասակում մահացել են տեղի հիվանդանոցում, որտեղ նրանք գտնվում Էին վերջին կես տարում, տեղեկացնում Է BBC-ն:
Ծնվելուց պորտից ներքեւ միացած քույրերի մոտ ընդհանուր էին լյարդը, թոքերը եւ որոշ այլ օրգաններ, սակայն նրանք ունեին երկու սիրտ, երկու գլուխ եւ առանձին զույգ ձեռքեր:
Անցյալ տարի BBC-ին տված հարցազրույցում քույրերն ասել էին, որ համալսարանն ավարտելուց հետո կցանկանային ուսուցիչ աշխատել:
Մարիան եւ Կոնսոլատան դեմ Էին, որ վիրահատության միջոցով բաժանեն իրենց: BBC-ին տված հարցազրույցում նրանք խոստովանել էին, որ կցանկանային մի օր ամուսնանալ եւ մեկ ամուսին ունենալ:
