Հունվարի 20-ին Աֆղանստանի մայրաքաղաք Քաբուլում զինված անձինք հարձակվել են Intercontinental հյուրանոցի վրա, ինչի հետեւանքով, ըստ տեղի լրատվամիջոցների, 43 մարդ է զոհվել։ Նրանցից 41-ը օտարերկրացիներ են։ 18 ժամ շարունակ հնչել են կրակոցների ու պայթյունների ձայներ։
Աֆղանստանի ներքին գործերի նախարարությունը հայտնել է 18 մարդու մահվան մասին, այդ թվում` 14-ը օտարերկրացիներ: Նրանց թվում Ղազախստանի քաղաքացիներ կան: Հարձակման զոհ է դարձել նաեւ Պակիստանում Աֆղանստանի գլխավոր հյուպատոսը:
Տեղի ունեցածի պատասխանատվությունը ստանձնել է «Թալիբանը» ահաբեկչական խմբավորումը:
Նշենք, որ Intercontinental հյուրանոցն առաջին անգամը չէ, որ հարձակման է ենթարկվում: 2011 թ. հունիսին եւս հյուրանոցի վրա հարձակում է եղել, ինչի հետեւանքով մահացել է 12 մարդ:
Source: Yerkir Media
Link: 43 մարդ է զոհվել Քաբուլում հյուրանոցի վրա հարձակման հետեւանքով (տեսանյութ)
