«Ռիո-2016». Անդրանիկ Կարապետյանը վնասվածք է ստացել
August 11, 2016
Հայկական ծանրամարտի առաջատարներից մեկը` Եվրոպայի գործող չեմպիոն Անդրանիկ Կարապետյանը, վնասվածք է ստացել Ռիոյի oլիմպիական խաղերի ժամանակ։ 77 կգ քաշային հայ ծանրորդը պոկում վարժությունում գրանցել է 174 կգ արդյունք ու պարտվել միայն չինացի Սիաջուն Լյուին: Վերջինս միայն համաշխարհային ռեկորդի գնով է առաջ անցել հայ մարզիկից. ռեկորդը` 177 կգ։
Հրում վարժությունում Անդրանիկ Կարապետյանը պատվիրել է 195 կգ, սակայն 2-րդ փորձի ժամանակ վնասել է արմունկը, ստացել երկամարտում 0 ու թողել պայքարը: Հայաստանի հավաքականը զրկվել է մեդալային իրական հույսից: Իսկ 77կգ քաշային կարգում Ղազախստանը ներկայացնող Նիջաթ Ռահիմովը, հրում վարժությունում, կարողանալով ետ բերել պոկումում պարտված կիլոգրամները, առաջ է անցել Չինացի Լյուից ու դարձել օլիմպիական չեմպիոն:
